Молитва блаженной Валентине Минской о здравии

6 февраля 2006 года Валентина Сулковская была причислена к святым Белорусской православной церкви. Тело матушки покоится на родной земле. А святая и поныне помогает верующим обрести духовное равновесие, только теперь глядя на православных с иконы. Молитва Валентине Минской помогает при болезнях, одержимости, различных напастях.

Новоявленная святая белорусской земли

Священник Феодор Чернявский был женат на княжне Свирской, Софье. За годы супружества в семье родились четыре дочери, в том числе и Валентина. Рожденная в благочестивой семье, воспитанная в духе православия, Валентина росла доброй ответственной девочкой. Несмотря на это жизнь уроженки деревни Коски Минского уезда была наполнена горем и утратами. А также непоколебимой верой в Господа и неустанными молитвами.

История родом из детства. Пятилетняя Валюша вернулась из леса, да не одна, а с елочкой. Девочка посадила маленькое деревцо недалеко от дома. С годами елочка, окутанная заботой и молитвами Господу юной девочки, возвышалась и крепла. Спустя время дерево превратилось в статную ель в форме креста.

Вместе с мужем, Феодором Сулковским, Валентина пережила труднейшие революционные времена голода и репрессий. Но никогда супружеская пара не прекращала молитвенное общение с духовенством храмов. После двойного ареста супруга, а впоследствии его гибели, Валентина посетила одну хворую женщину, прикованную к постели долгие годы. «Ты займешь мое место» – предрекла Валентине старица. Вскоре так и случилось. Смиренно и спокойно приняла женщина свою участь.

Своим просветленным взглядом видела Валентина всю духовную сущность приходящих к ней за ее святыми молитвами. Предрекла она и страшную войну, во время которой помогала сохранить веру матерей, жен, сестер, проводивших на фронт своих близких. Старица советовала уповать на помощь и милость Господа и помогала всем, кто желал найти благостный путь через веру в Творца. Ее молитвы помогали выжить солдатам, исцелять больных, вернуть надежду. Неустанно молилась Валентина и помогала прививать людям духовный навык во мрачные атеистические времена.

Тропарь блаженной Валентине Минской

Тропарь – это своеобразный жанр церковного песнопения. Тропарь поют в начале и конце церковного богослужения, он извещает о цели и значении служения. Родился тропарь еще в древнем IV веке. Можно сказать, что это песня о сути богослужения в стихах.

Тропарь глас 1-й:

От младенства восприявши веру Христову в сердце твое, / яко мудрая дева пронесла еси чрез все житие плоды ея, / темже и Христос дарова ти силу, / целити недуги немощствующих и колеблющихся. / Мы же, прославляюще тя, блаженная мати Валентино, вопием: // слава Давшему тебе крепость, / слава Прославльшему тя, // слава спасающему всех призывающих тя.

Величание:

Величаем тя, / святая блаженная мати наша Валентина, / и чтим святую память твою, / ты бо молиши за нас // Христа Бога нашего.

Кондак блаженной Валентине Минской

Хвалебную песнь называют в православии кондак. Кондак задает тему песнопения, а развивает и продолжает ее икос.

Кондак 1

Избраннои Богом на сохранение веры Православный во дни гонений на земли Отечества нашего, хвалебное приносим ти пение, блаженная мати наша Валентино. Ты же, яко имущая дерзновение ко Господу, избави нас от зол душевных и телесных, да со умилением зовем ти:

Радуйся, блаженная Валентино, всех приходящих к тебе скоро утешающая.

Икос 1

Ангела дивна Белой Руси яви тя всея твари Создатель, обрати ти люди заблуждшия на путь покаяния и призвати их на служение Истине. Темже и мы, благодаряще Бога, прославляем тя, яко просветительницу и заступницу нашу, и усердно вопием ти:

Радуйся, пречудная избраннице Промысла Божественнаго.

Радуйся, звездо прекрасная небосвода церковнаго.

Радуйся, земли белорусския славное украшение.

Радуйся, душам нашим пресладкое утешение.

Радуйся, в ходатайствах о нас неусыпающая.

Радуйся, пламеню молитвы неугасающий.

Радуйся, Матерь Божию непрестанно величающая.

Радуйся, любити всех нелицемерно Ею наученная.

Радуйся, блаженная Валентино, всех приходящих к тебе скоро утешающая.

Кондак 2

Созерцала еси радостно, блаженная мати, красоту мира Божия, и любовь премногую к людем имела еси, от лет детских о всем благодарящи Бога ангельскою песнию: Аллилуиа.

Икос 2

Разум имущи Божественный, угоднице Божия Валентино, от рождения твоего тщалася еси угождати Господу трудом, верою и молитвою. Еще младенец сущи, ель насадила еси, яже возрасте в древо крепкое во образе Креста. Мы же, видяще знамение благословения Божия на трудех твоих, гласы хвалебными взываем сице:

Радуйся, благая отрасле корене благочестиваго.

Радуйся, сестры имевши нрава молчалйваго.

Радуйся, отца иерейскими молитвами в вере утвержденная.

Радуйся, материю в любви к Богу, святым и ближним умудренная.

Радуйся, сладость райскую чтением Слова Божия вкусившая.

Радуйся, нежность и преданность сродникам щедро дарившая.

Радуйся, заповедь послушания родителем кротко исполнившая.

Радуйся, и нас ко исполнению велений Божиих призывающая.

Радуйся, блаженная Валентино, всех приходящих к тебе скоро утешающая.

Кондак 3

Силою Вышняго укрепленной, в путешествии с родителем твоим во град Кронштадт явися ти святый Пантелеймон и рече: “Молися непрестанно!” И абие вознесла еси к Богу чистыя детския молитвы твоя, и избавлен бысть корабль от потопления, человецы же воспеша Творцу и Спасу благодарно: Аллилуиа.

Икос 3

Имущи ревность многую о Господе, к пастырю Кронштадтскому притекла еси, блаженная, иже провидя в тебе избранный сосуд Божий, благослови тя, добрую отроковицу, и беседоваше с тобою. Мы же, зряще духовное восхождение твое от силы в силу, со благоговением тебе взываем:

Радуйся, с младенства иереи окормляемая.

Радуйся, от честных пресвитеров свято почитаемая.

Радуйся, измлада молитву возлюбившая.

Радуйся, непрестанно Господу трудившаяся.

Радуйся, нерадивых и ленивых исправляющая.

Радуйся, к делом во славу Божию побуждающая.

Радуйся, от Христа дар врачевания приемшая.

Радуйся, чудотвореньми Бога прославлявшая.

Радуйся, блаженная Валентино, всех приходящих к тебе скоро утешающая.

Кондак 4

Бури страстей избежавши, святая Валентино, и приемши благословение Божие и честных родителей, любовию и смирением созидала еси малую церковь семьи благочестивыя, подающи всем пример добродетельныя и кроткия жены, мужу помогающи и поющи Богу: Аллилуиа.

Икос 4

Слышавши Христоподражательную жизнь богоносных и великих отцев, со смирением и упованием на милость Божию сретила еси юдоль плачевную земную – утрату сродников и добраго супруга твоего. Чад по плоти не даде ти Господь, обаче чада духовная во множестве обретошася ти смотрением Божиим, иже тебе, духовной матери своей, усердно восклицают:

Радуйся, благочестия учительнице.

Радуйся, тайных согрешений обличительнице.

Радуйся, многодетных семей покровительнице.

Радуйся, горделивых жен пред супругами смирительнице.

Радуйся, жены непраздныя от греха спасающая.

Радуйся, младенцев во чреве матернем сохраняющая.

Радуйся, гнев Божий молитвами твоими утоляющая.

Радуйся, умы и сердца наша к Небеси устремляющая.

Радуйся, блаженная Валентино, всех приходящих к тебе скоро утешающая.

Кондак 5

Боготечной звезде уподобилася еси, мати Валентино: подвигу Ксении блаженныя подражающи, удостоилася ты блаженства райскаго за великое смирение твое и терпение скорбей. Ныне же в лице святых воспеваеши Богу хвалу: Аллилуиа.

Икос 5

Видевше тя людие, яко Ангела Божия, блаженства евангельская всем сердцем возлюбившую, притекаху к тебе, не могущей ходити, молитв от тебе ищуще. Ты же по глаголу Христову приходивших к тебе не отгоняла еси, но спасению человеческому ревностно служила еси. Научи убо и нас чистым сердцем славити Господа, тебе взывающих:

Радуйся, святость твою притчами скрывавшая.

Радуйся, на тайныя вопросы явно отвещавшая.

Радуйся, жадных и скупых мягко обличающая.

Радуйся, в добротворении верных утверждающая.

Радуйся, цветы и пояскй с молитвою сплетавшая.

Радуйся, сия всем приходившим раздаявшая.

Радуйся, со Ксениею блаженною в един день величаемая.

Радуйся, с Матроною святою богоборцы посрамляющая.

Радуйся, блаженная Валентино, всех приходящих к тебе скоро утешающая.

Кондак 6

Проповеднице веры Христовы и благочестия христианскаго, праведная Валентино, бури богоборческия не устрашилася еси, но подвиг исповедничества подъемши, души многих скорбящих и во мраце отчаяния пребывающих укрепляла еси, Господу поющи: Аллилуиа.

Икос 6

Возсияла есй в немощной плоти светом небесным, святая Валентино, егда мудрейшим юродством, терпением и страданием Христу последовала еси. Сего ради яви тя Господь источник благодати страждущим людем, егда разорени быша храмы земли Минския. Мы же ублажаем тя звании сими:

Радуйся, в немощи человеческой силу Божию явившая.

Радуйся, спасению народа белорусскаго послужившая.

Радуйся, за исцеления мзду не приимавшая.

Радуйся, чистым сердцем Господа созерцавшая.

Радуйся, гонения за Истину подвигом юродства поправшая.

Радуйся, в мирстей жизни высоту иночества показавшая.

Радуйся, воли Божией себе предавшая.

Радуйся, Господню волю открывающая.

Радуйся, блаженная Валентино, всех приходящих к тебе скоро утешающая.

Кондак 7

Хотя преблагий Господь страну нашу благодатию обогатити и дати образ хотящим спастися, подвиже тя Духом Святым на вельми скорбное и богоугодное житие, имже удивила еси не токмо человеков на земли, но и Ангелов на Небеси. Каждодневно тяготы людския носившая безропотно, услади любовию и наши души, да поем с тобою Богу: Аллилуиа.

Икос 7

Новую видяще тя избранницу Божию, издалеча течаху к тебе и пресвитеры церковнии, обретающе в тебе кладезь мудрости и Божественных откровений. Просвети убо и нас, с верою в помощь твою благодатную вопиющих сице:

Радуйся, честное Церкве похваление.

Радуйся, Ангела хранителя увеселение.

Радуйся, в делании духовном подвизающихся мудро укрепляющая.

Радуйся, Господа чисто славословит певчих научающая.

Радуйся, строителем храмов Божиих неоскудеваемо помогающая.

Радуйся, мольбами твоими от суеты и страстей нас избавляющая.

Радуйся, в недоуменный час печали полезныя помыслы ниспосылающая.

Радуйся, предстоящих тебе и молящихся от бед соблюдающая.

Радуйся, блаженная Валентино, всех приходящих к тебе скоро утешающая.

Кондак 8

Странники сущия на земли сей, присно нас враг искушает, да не достигнем Отечества небеснаго. Помози нам, очисти ны от всякия скверны, да исправятся путие жизни нашея, да не постыдит нас Судия на нелицемерном и страшном Суде Своем. Молися о нас, Валентино всеблаженная, да с тобою возрадуемся: Аллилуиа.

Икос 8

Всею мыслию у Господа водворялася еси, обаче и Матери Милующей, Царице Небесной, приносила еси пение умиленное, акафисты чести пред иконами Ея всех наставляющи. Темже тебе, теплой молитвеннице о нас к Преблагословенной, взываем, праведная Валентино:

Радуйся, славу Приснодевы на всяк день воспевающая.

Радуйся, чудотворныя иконы Пречистыя свято почитающая.

Радуйся, образом Ахтырским дом твой благоговейно украсившая.

Радуйся, Богородицы молитвами тридесятолетнее лежание понесшая.

Радуйся, ангельскима крилома в болезни утешенная.

Радуйся, на землй небеснаго посещения удостоенная.

Радуйся, на ложе твоем ангельскою чистотою сиявшая.

Радуйся, с терпением неистощимым болящим помогавшая.

Радуйся, блаженная Валентино, всех приходящих к тебе скоро утешающая.

Кондак 9

Все естество ангельское удивися подвигу дивнаго лежания твоего: на одре твоем, яко на высоком столпе, духом к Небеси воспаряющи, от Духа прорицающи и цельбы силою Божиею подающи, никогоже от себе тща и неутешена отпущала еси. Мы же, таковому житию твоему дивящеся, поем Всесильному Богу: Аллилуиа.

Икос 9

Ветия многовещанныя не возмогут воспети крепость любве твоея, блаженная, явилася бо еси чадолюбивая мати скорбящим в тяжкую годину войны, молитвы возносила еси за воинство наше, помощи и заступления у Господа просящи. И ныне умоли Его в мире страны сохраняти, сердца наша любовию наполняти, да благодарно зовем ти:

Радуйся, жизнь и смерть воинов, защитников наших, прозревающая.

Радуйся, ко усердной молитве за усопших сродников подвизающая.

Радуйся, мир Христов в маловерныя души вселяющая.

Радуйся, дыхание жизни хранити научающая.

Радуйся, любовь ко Отечеству земному показавшая.

Радуйся, величием подвига твоего всех удивившая.

Радуйся, веру апостольскую проповедавшая.

Радуйся, милосердием Царствие стяжавшая.

Радуйся, блаженная Валентино, всех приходящих к тебе скоро утешающая.

Кондак 10

Спастися хотяще от различных напастей мира сего, тя, праведная Валентино, многомощную молитвенницу к Богу призываем: буди нам необоримая защитница от враг видимых и невидимых и помощница в нуждах и скорбех, избави же нас ходатайством твоим от лютых бед и искушений, да славим Бога победною песнию: Аллилуиа.

Икос 10

Стена крепкая была еси всем во дни жития твоего, блаженная Валентино. Того ради и место погребения твоего прибежище духовное бысть чающим утешения в скорбном мире сем. Целебницу благодатную тя ведуще, приходим ныне ко святому гробу твоему, и от него цельбы безмездныя душам и телесем нашим приемлюще, благодарственное воздаем ти пение:

Радуйся, лучами преславных чудес светло облистающая.

Радуйся, слепым очи предивно отверзающая.

Радуйся, лишенных смысла здравым умом снабдевающая.

Радуйся, беснующимся избавление подавающая.

Радуйся, вся недуги лютыя врачующая.

Радуйся, целомудрию дети наша научающая.

Радуйся, сердца ожесточенная умягчающая.

Радуйся, от сетей вражиих свобождающая.

Радуйся, блаженная Валентино, всех приходящих к тебе скоро утешающая.

Кондак 11

Пением акафистным величаем тя, наставницу нашу, светло празднующи святую память твою. Ты же милостивно услыши малое моление сие, да и нас к лику мудрых дев сопричтет Господь Иисус Христос, радостно поющих Ему: Аллилуиа.

Икос 11

О ветильниче духовный, елеем благодати исполненный, под спудом не сокрытый, святая Валентино, да прославляемо будет о тебе имя Господне! Освети и нам путь ко спасению, в вере и надежде укрепи, разума и благочестия от Бога испроси, да с любовию зовем ти:

Радуйся, образе истиннаго смирения.

Радуйся, зерцало самоотречения.

Радуйся, во псалмопениих духом к Небу воспарявшая.

Радуйся, радость пасхальную в прославлении твоем даровавшая.

Радуйся, страдания временная ни во что же вменяющая.

Радуйся, изнемогающих во брани укрепляющая.

Радуйся, росою Духа душу твою омывшая.

Радуйся, цветник духовный дивно возраставшая.

Радуйся, блаженная Валентино, всех приходящих к тебе скоро утешающая.

Кондак 12

Благодать Святаго Духа испроси нам, блаженная Валентино, да и мы, любовию Христовою окормляеми, возможем добре ходити во свете заповедей Божиих, да будем чада единыя Святыя, Соборныя и Апостольския Церкве, веру чисту соблюдающе, единым же сердцем и едиными усты Богу воспевающе: Аллилуиа.

Икос 12

Поюще твоя премиогая благодеяния и страдания, ублажаем твое непостижимое терпение, мати Валентино, и чтуще святую память твою, молимся тебе: укрепи дух людей православных, даруй совершенную победу света боговедения над тьмою безбожия и приими похвальная сия:

Радуйся, веру Православную твердо содержати наставляющая.

Радуйся, раскол и суеверия искореняющая.

Радуйся, теплотою Божественныя любве души согревающая.

Радуйся, спасатися именем Иисусовым вразумляющая.

Радуйся, души и телеса наша благодатно исцеляющая.

Радуйся, о прославляющих тя Господа молящая.

Радуйся, ревнителей крестных ходов сугубо награждающая.

Радуйся, надеждою на спасение сердца верных увеселяющая.

Радуйся, блаженная Валентино, всех приходящих к тебе скоро утешающая.

Кондак 13

О предивная и преславная угоднице Божия, блаженная мати наша Валентино, духовным солнцем Руси Белой возсиявшая! Приими сие благодарственное моление наше, и предстоящи ныне Престолу Господа нашего Иисуса Христа, умоли Его даровати нам телесное здравие, наипаче же душевное спасение, да в день судный радостно воспоем Ему: Аллилуиа.

Сей Кондак читается трижды, затем Икос 1 и Кондак 1.

Древняя христианская легенда гласит, что первый кондак появился благодаря верующему из Византии Роману. Не было у служителя Господня ни голоса, ни слуха, а было только чистое богобоязненное сердце. Святая Дева благосклонно одарила Романа даром песнопения за веру и неустанные молитвы. И прозвали тогда его Сладкопевец. Пел Роман чарующим голосом хвалебные молитвы во славу господа.

Молитва блаженной Валентине Минской

Доведенные до отчаяния люди со всех уголков света едут на могилу блаженной матушки. Молят о помощи, рассказывают о своих бедах. Никого не оставляет святая Валентина в беде.

О блаженная мати наша Валентино! Якоже и во дни земныя жизни твоея, с любовию принимала еси всех страждущих и немощствующих, всех в скорбех и болезнех сущих, и молитвами твоими целила недуги их. Такожде и ныне всем, с верою и умилением приходящим к тебе, у Господа исцеления испроси, наипаче же от падений греховных сохрани и на путь спасения настави. Услыши нас недостойных, блаженная Валентино, и принеси наша моления ко Престолу Всевышняго, да с радостию восхвалим Пресвятую Троицу: Отца и Сына и Святаго Духа, ныне и присно и во веки веков. Аминь.

Господь посылает на землю таких удивительных людей в помощь неразумному человеку.

Акафист блаженной Валентине Минской

Акафист является молитвой. Читают его только стоя, с греческого акафист переводится «неседальная песнь». Состоит акафист из 13 хвалебных кондаков и 12 икосов, объясняющих смысл, суть песнопения. Пишутся акафисты на церковнославянском языке, написать их может как священнослужитель, так и мирянин. В дальнейшем песнопения утверждаются Высшим руководством православной церкви.